Ne ofte, sed fojfoje okazas, ke iuj retpaĝoj kun utilaj informoj kaj dosieroj tute malaperis el la Interreto. Kialojn mi ne scias. Sed kelkfoje mi bedaŭras malaperintajn valorajn dosierojn.
Do mi decidis, ke mi mem rezervu tiujn valoraĵojn en mia retejo. Hodiaŭ mi metis du dosierojn.
– Kapvortoj de PIV(2005) Versio 1.3
– Baza Radikaro Oficiala
Vi povas trovi ilin en la Arkivo (https://www.vastalto.com/arkivo/).
Kategorio: Senkategoria
Somera rizkampo
Pasis unu monato post kiam mi skribis la artikolon “Rizidoj kreskas“. Nun la rizherboj pli kreskas verdverde sub intensega somera sunlumo. Ili faras fotosintezon per la sunlumo kaj preparas fruktadon.
Daŭras tre varmegaj tagoj. Hieraŭa maksimuma temperaturo estis 34,3 celsigradoj. La hodiaŭa estis 34,8 celsigradoj en nia regiono. Ie en la Meza Japanio maksimuma temperaturo markis la rekordan 40,9 celsigradojn.
Rizidoj kreskas
Duonmonato pasis post kiam mi skribis pri la rizkampo kun rizidoj. Nun la rizidoj kreskas bonorde. Verdaj folioj pli kaj pli kovras la akvosurfacon de la kampo.
Tamen estas unu bedaŭrindaĵo. Mi ne povis trovi figuron de vivaĵo en la akvo dum kelkaj minutoj da observado. Mi supozas, ke oni verŝis pesticidon (=kemiaĵo kontraŭ fi-insektoj kaj trudherboj) en la akvon.
Rizkampo kun rizidoj
Antaŭe mi skribis pri rizkampo en proksima loĝkvartalo. En la lasta semajno oni plenigis la kampon per akvo, kaj plantis rizidojn en la kampo.
Hodiaŭ starante ĉe la vojrando, mi ridardis la akvon de la rizkampo. Ruĝaj libeloj kaj bluaj fadenlibeloj ŝvebas proksime de la akvosurfaco. Akvaraneo (=akvokura cimo) flosas sur la akvo. Iuj akvoskaraboj kaj fe-salikokoj naĝadas zigzage en la akvo.
Nun la rizkampo estas plena de vivaĵoj.
Elementoj de belo
Rizkampo en loĝkvartalo
Jen estas la rizkampo, kiu situas antaŭ la domo de mia dentokuracisto. Ĝi ampleksas ĉirkaŭ 1000 kvadratmetrojn.
Oni jam plugis la kampon, kie kreskis herboj antaŭ unu semajno. La herboj estas distranĉitaj kaj miksitaj kun tero. Aperintaj nigraj terbuloj anoncas la ekiron de printempo.
Kapdoloro ankaŭ hodiaŭ
Ankaŭ hodiaŭ vespere, de tempo al tempo doloras mia kapo. La dolora parto translokiĝas fojfoje. Nun doloras sangovazo je du fingroj maldekstre de la harkirlo (verto).
Kapdoloro ĉe sangovazo
Hodiaŭ vespere, de tempo al tempo, doloras min sangovazo sur la maldekstra kranio. La dolora parto situas je 3 fingroj supre de la maldekstra tempio. Eble mia cerbo bezonas ripozon.
Granda Sumoo
Hodiaŭ estis la lasta tago de la januara turniro de Granda Sumoo. En ĉi tiu turniro ĉampionecon akiris la jokozuno Asaŝoorjuu (laŭvorta traduko: Matena Blua Drako), kiu devenas de Mongolio. Tiu ĉi estas lia 20-a plejalta ĉampioneco, kio estas kolosa rekordo atingita de nur 4 sumoistoj antaŭ li.
sumoo: japana lukto. [Vikipedio: Sumoo]
jokozuno: titolo de la plej altranga sumoisto. [Vikipedio: Jokozuno]
Eksperimento pro petolo
Ordinare artikolo de blogo aperas kun la dato, en kiu oni verkis ĝin. Sed per ia artifiko oni povas afiŝi artikolon kun malvera dato.
Jen tiu ĉi estas pruvo.
Mi verkis tiun ĉi artikolon fakte en la 10-a de aŭgusto. Kaj mia blogo “Akvosfero” debutis sur la interreto nur en la 9-a de aŭgusto, 2005
.