Kategorio: Hajko

    maljuna kato
    dormetadas platkuŝe —
    cikada duŝo

*****
Estas vera somero. Cikadoj vigle kantadas samtempe. Iliaj ĉirpsonoj pensigas nin pri pluva duŝo.

    dorsa doloro
    malhelpas legoĝuon —
    cuja finfino

    nokta cikado
    subite ĉesas ĉirpi —
    brua silento

    altaj sunfloroj —
    helas blankaj muroj de
    silenta domo

    ekas aŭgusto —
    koloraj fadentuboj
    de katetero

    inter dommuroj
    vojeto al mallarĝa
    somera maro

*****
Kiam mi estis knabo, ĉiusomere mi kutimis piediri tra la vojeto al marbordo por naĝludi.

    cujo senfinas
    kaŭze de la Knabeto
    trans Pacifiko

*****
Meteologoj nomas ĝin “Elninjo” (el la hispana El Niño).

    en noktprofundo
    solludas ja sveneme
    kanacikado

*****
kanacikado = speco de cikadoj, Tanna japonensis. ŝatata de japanoj pro ĝia unika ĉirpado kun malĝoja tono.

    cuja vespero —
    ne certas kiel iri
    bibliotekon

    kvieta lumo —
    sur malseka pavimo
    cikada morto