Kategorio: Hajko

    griza ĉielo —
    facile kaj senĝene
    hirundo flirtas

    betona muro —
    kun nigraj okuletoj
    lacerto pozas

    ho, gardenio
    plena de floroj blankaj,
    flavaj, flavetaj

    por denteltiro
    al dentisto trans ponto —
    junia pluvo

    komo kaj komo
    kaj ree haltostreko —
    nokto sen punkto

    junia suno —
    elekti ombran flankon
    por piediri

    tagon post tago
    rezigni unun post unu —
    ho, maljuniĝo

    verda ventego —
    jen akre etenditaj
    flugplumoj milvaj

    maja malvarmo —
    amase produktiĝas
    depresiuloj

    ruliĝas ĉapo
    antaŭ la postkuranto —
    maja ventego