Kategorio: Hajko

    persimonarbo
    jam kun neniuj fruktoj —
    malvarma suno

    asfalto nigras
    post homoj forkurintaj —
    malvarma pluvo

    pecoj forglitas
    sinsekve el mia mio —
    vento ŝirblovas

    kandeloj solaj
    staras rekte, arbare —
    vintra vespero

    varma rizkaĉo —
    grajnetoj da trankvilo
    en la stomakon

    sur frosta korto
    alĵetas longan ombron
    ŝtona lanterno

    folioj ruĝaj,
    flavaj, helverdaj, brunaj —
    vojo tra valo

    duŝe sen vento
    ginkaj folioj flavaj —
    korto kvieta

 
    vintra sereno —
    po paŝeto sin montras
    maljunulino
   
.

    papersakon da
    koloraj mandarinoj
    alportis gasto

***
Jam komenciĝis la sezono de bongustaj mandarinoj kun flavruĝa ŝelo.