Kategorio: Hajko

    el Siberio
    arope trans la maro
    gruoj kuraĝaj

    ekvintra tago —
    jam sur la avenuo
    alia lumo

   
    ankaŭ ĉi-jare
    la ruĝa pirakanto
    regalas birdojn
   
.

    vento karesas
    du-tri harojn sur vango —
    kosmosa kampo

    paĝon post paĝo
    rakonto pri mirlando —
    ginko zenitas

    kornikoj grakas,
    plenrajte ĉion bekas —
    aŭtunvespero

    ginkoj sur strato —
    pasantoj trempitaj en
    ora aero

    ridetoj marŝas
    kune kun festoĉaro —
    ja skombra nubo

*****
skombra nubo = alinomo de ciruskumuluso, kiu similas al dorsaj makuloj de skombro. aŭtuna sezonvorto.

    ĝisfunde blua,
    profunda la ĉielo —
    kosmosa kampo

    knabetoj saltas,
    kaŝante sin, trakuras —
    kosmosa kampo

******
kosmoso: La genro Cosmos de unujaraj herboj el asteracoj. La specio Cosmos bipinnatus estas plej ofta en Japanio.