Kategorio: Hajko

    streĉa intrigo
    en mirinda romano —
    freŝa sodakvo

    suna en cujo —
    vigle muĝetas kato
    kaj lavmaŝino

—
Ni ĝojas kelkajn sunajn tagojn en la longa pluvsezono.

    turtido atendas
    kun nigraj okuletoj
    en verda pluvo

    kato malsana
    lasas harojn al mano —
    varmo humida

    prosperas cujo —
    tapiŝoj da rizkampo
    maldense verdaj

    elbaniĝo nun —
    disŝprucas en la gorĝon
    sodakva ŝaŭmo

    kiu distingas
    kolorojn de pluvguto —
    ja hortensio

    malbonhumore
    batas vosto de l’ kato —
    cujo vigliĝas

    porda lanterno —
    ŝirmita de pluveroj
    ha, hidrangeo

La meteologia observatorio deklaris, ke hodiaŭ komenciĝis ĉi-jara cujo (pluvsezono) en nia regiono.

    virino vokas —
    semitaj farbitoj jen
    ĝermis tri el kvin