Kategorio: Hajko

    vintra rivero —
    kaj ĉielen kaj akven
    mevoj sin ŝutas

Tie troviĝas kajo por fiŝistoj. Kelkaj kilometroj almonte de la riverbuŝo.

    al hospitalo
    vizitado dujara —
    vintraj burĝonoj

Sakuroj (ĉerizarboj) en la hospitalo staras tute sen folioj. Sed mi trovis, ke iliaj branĉoj jam portas malmolajn burĝonetojn.

    cent teleroj da
    varmetaj hakbovaĵoj —
    decembro venis

    rondira buso
    haltas ĉe hospitalo —
    jam nudaj arboj

Nia urba magistrato veturigas rondiran buson precipe por maljunuloj. La buso rondiras en la urbo kaj haltas ĉe kelkaj ĉefaj lokoj.

    vintra sunlumo —
    nuboj alŝvebas lante
    al palaj montoj

    fulmoj kaj tondroj
    frapas cerbon dormantan —
    frosta mateno

    ploregas bebo
    streĉe en patraj brakoj —
    folioj ruĝaj

Mi promene iras al dentista kuracejo unu-du foje en semajno. Hodiaŭ mi renkontis ilin survoje.

    mi rememoras
    malgaje, nur malofte —
    folioj pluvas

    spikumas korvoj
    silente sen kverelo —
    falĉita kampo

Mi veturas preter falĉitaj rizkampoj en ĉiu tago. Fojfoje mi vidas aron da korvoj.