Akvosfero

La maksimuma temperaturo de hodiaŭ estis 19,8 gradoj en mia regiono. Certe alvenas printempo.

    blanka umeo —
    multaj branĉoj maldikaj
    pikas ĉielon

    vintro forpasis
    kun haroj malantaŭaj
    arĝente blankaj

    printempo frosta —
    trapenetras kurtenon
    malfortaj lumoj

    printempo ekas —
    el kuireja krano
    impeta akvo

    malvarmaj lumoj
    sur starantaj domegoj —
    nun februaras

    ĉiuj penseroj
    kristaliĝas en flokojn —
    flirtaj neĝeroj

    matenkrepusko
    ekas kun silka pluvo
    de februaro

En ordo krom unu, pri kio mi parolos pli poste.

Cetere mia patrino enhospitaliĝis hodiaŭ pro febro kaj malvigliĝo. Mi veturis du horojn per aŭto al mia hejmurbo. Kuracisto suspektas, ke ŝi infektiĝis je gripo. Oni izolis ŝin sola en malsanĉambro.

Saluton, la mondo! Hodiaŭ estas la 30-a de Januaro. La tero normale turniĝas kaj rondiras ĉirkaŭ la suno. Homoj vivas kaj mortas, kaj ĝojas kaj malĝojas, kaj satas kaj malsatas. Ĉio en ordo.
Vintro baldaŭ finiĝos kaj printempo alvenos. Mia blogo reakiros ritmon.