Pola Radio, ret-info kaj Libera Folio (ĉi tie) raportis, ke la pola parlamento en la 12-a de junio unuanime proklamis rezolucion, kiu omaĝas la 100-jariĝon de UEA (Universala Esperanto-Asocio). En la rezolucio tekstas “La pola parlamento, dezirante omaĝi la kontribuon de d-ro Ludoviko Zamenhof al la monda civilizacia heredaĵo subtenas la klopodojn de internaciaj medioj, ke UEA estu honorita per la Nobel-premio pri paco.”
Tio ĉi estas tre pozitiva okazaĵo pri Esperanto en Pollando post 2006, kiam la Esperanto-redakcio de Pola Radio estis reduktita al unu sola plentempa redakciano.