Sajĉo [最澄/Saityō] estis eminenta bonzo, kiu fondis la budhisman sekton Tendajismo en la 9a-jarcenta Japanio. Laŭ legendo, survoje de la revenvojaĝo el Ĉinio, li vidis bele brilantan lumon en montaro de Kiuŝuo. Gvidite de fazano, li trovis unu sanktan arbon kovritan per musko sur ĉi tiu monto. Li multe ĝojis kaj skulptis Avalokiteŝvaron el la staranta arbo. En la jaro 806 li konstruis templon tie kaj dediĉis ĝin al Avalokiteŝvaro. Tio ĉi estas la deveno de la templo Kijomizu en Kiuŝuo. (En Japanio troviĝas pli ol 10 samnomaj temploj kun malsamaj devenoj.)