Japana Nacia Instituto por Materiala Scienco (NIMS) publikigis raporton, ke multaj metaloj elĉerpiĝos en la jaro 2050, se senŝanĝe daŭros ekonomia kresko en BRICs-landoj (Brazilo, Rusio, Barato/Hindio kaj Ĉinio).
Laŭ la raporto metaloj, pri kiuj oni antaŭvidas elĉerpiĝon, estas kupro, plumbo, zinko, oro, arĝento, stano, nikelo, mangano, antimono, litio, indio kaj galio. Ĉiu antaŭvidita konsumkvanto, akumulita ĝis la jaro 2050, kelkoble superos nunan rezervokvanton.