Profesia ŝakisto, unu el ĉampionoj de japana ŝako (ŝoogi) venkis la plej fortan komputil-programon. La matĉo, Watanabe Akira [ŬATANABE Akira] (ĉampiono) vs Bonanza (komputilo), okazis antaŭhieraŭ t.e. en la 21-a de marto.
Komputil-programo de ŝako jam venkis homan ĉampionon en 1997 (Deep Blue vs Garry Kasparov). Sed komputil-programo de japana ŝako ĝis nun ne venkis homan ĉampionon. Ĉar japana ŝako estas pli komplika ol ŝako pro tio, ke oni povas reuzi kaptitajn pecojn.
Sed jaron post jaro, komputil-programo de japana ŝako fariĝas pli forta. La ĉampiono konfesas, ke la programo proksimiĝas al la nivelo de profesia ŝakisto.