Hodiaŭ mi preteriris la rizkampon kaj trovis, ke oni jam rikoltis la tutan rizon. En la lasta vendredo rizherboj ankoraŭ kreskis en la rizkampo. Verŝajne oni rikoltis la rizon en la lasta sabato aŭ dimanĉo.
Aŭtuno ja profundiĝis. Tagmeze estas varme, sed matene kaj vespere estas pli kaj pli malvarmete. Mi sentas, ke, post tro longa restado de la somero, hastas la aŭtuno.