Akvosfero

    kvar tagojn mi mortis —
    la operaciito
    maljuna ridas

    vortoj malorde
    venas el lia buŝo —
    akra malvarmo

    des malpli hela
    bluo de la ĉielo —
    nun ekas vintro

    sola ŝtonfiŝo —
    malamo malbeligas
    ja malamanton

***
ŝtonfiŝo: fiŝo kun venenaj naĝiloj el la familio Synanceiidae. Ĉirkaŭ Japanio loĝas multaj Inimicus japonicus.

    du arbovicoj
    kun orflavaj folioj
    ĝis la fuĝpunkto

    kato senbride
    kuregas kaj kriegas —
    nokta ventego

    ĉielan pecon
    revidi tra fenestro
    post kvar monatoj

    vintra komenco —
    en la korpo sternita
    fariĝas plumbo

    mildaj rebriloj
    sur persimonaj fruktoj —
    domo malnova

    branĉoj fleksitaj
    kun persimonaj fruktoj
    dense maturaj