Ikkjuo (1394－1481) [一休/Ikkyū] estis eminenta zenbonzo, pastro de Zen-Budhismo, en la japana mezepoko. Li estas konata de japanaj popolanoj kiel legendeca heroo de spritaj rakontoj.
Tiutempa ŝoguno, la plej alta reganto el la samurajoj, aŭdis la famon de Ikkjuo, ke tiu ĉi estas tre saĝa kaj sprita. Por vidi saĝecon kaj spritecon de Ikkjuo, la ŝoguno vokis lin al sia palaco. La ŝoguno diris al Ikkjuo, montrante unu belan ekranon kun pentrita tigro: “Iu majstro pentris la tigron. Ĉar ĝi estas tre lerte pentrita kvazaŭ viva, fojfoje ĝi elmigras el la ekrano kaj fortimigas palacanojn. Ĉu vi kapablas kapti ĝin?”
Ikkjuo tuj respondis: “Jes ja! Estas tre facila tasko!”
Dirante tion, li ekstaris antaŭ la ekrano kaj diris al la ŝoguno: “Mi kaptos la tigron. Nu, Via Moŝto bonvolu elpeli ĝin el la ekrano!”
Kiam mi estis en Irano, tie la televido spektigis animacion nome Ikkjusan pri tiu persono. Ĝi estis ege interesa. Mi ankoraŭ memoras kiam por pensi li sidis, malsekigis siajn fingrojn kaj tuŝis sian razitan kapon kaj meditis.
http://www.animenewsnetwork.com/encyclopedia/anime.php?id=1461
Ĉu persono en tiu animacio estas la sama persono kiun vi prezentis?
Jes, tiu Ikkju-san estas la Ikkjuo, kiun mi priparolis. Ja ankaŭ mi kelkfoje spektis tiun bildfilmon, kiu estis kreita surbaze de Ikkjuaj rakontoj.