Mia edzino aĉetis paketon da frandaĵoj en Kioto. Ĉiu estas malgranda je pli-malpli 1 cm. Sume 15 pecoj kostas 800 enojn (= ĉ. 5 eŭroj).
Ili estas tradiciaj japanaj frandaĵoj faritaj el fajna sukero kaj prilaborita rizfaruno. Oni miksas la ingrediencojn kaj enpremas ilin en lignajn matricojn, sur kiuj estas gravuritaj diversaj figuroj: peonio, krizantemo, sojfabguŝo, akvokirlo ktp.
Unue ni ĝuas ilin per okuloj kaj poste gustumas ilin per dentoj kaj lango.
Belegaj frandaĵoj! Mi estas ĵaluza 🙂
Jes, tre belaj! Espereble ankaŭ bongustaj?