Hodiaŭ estis tre bela vetero. La suno milde brilis. Jen estas foto de printempa gemo trovita en mia ĝardeneto.
Nun elkreskas aro da lamioj [Lamium amplexicaule] inter aliaj herboj. Malhele ruĝaj florburĝonetoj ja aspektas kiel rubenoj aŭ grenatoj.
En la japana lingvo lamio [L. amplexicaule] nomiĝas “hotoke no za (仏の座)”, kiu signifas budhan seĝon. La ronda folio ĉirkaŭanta la tigon similas al sidloko de budha statuo.