Eta brasikcimo

eta brasikcimo

Hodiaŭ mian ĝardeneton vizitis eta brasikcimo [Eurydema pulchra]. Ĝia korpo estas longa je 6 – 8 milimetroj kaj blunigra kun oranĝkoloraj strioj. La aranĝo de la strioj karakterizas tiun specion.
Eta brasikcimo estas unu el pentatomedoj. Ĝi voras foliojn de brasikacoj, tial oni kalkulas ĝin inter malutilaj insektoj.
Nun en mia ĝardeneto floras kolzoj (oleonapoj). Mi supozas, ke la brasikcimo vizitis tiujn kolzojn por gustumi.

Respondi

Retpoŝtadreso ne estos publikigita. Devigaj kampoj estas markitaj *