Antaŭ monato mi skribis pri sakuro floranta. Ĉiusemajne mi preteriras la sakuron. Kaj ĉiufoje mi rigardas kaj fotas ĝin.
Nun la sakuro defaligis preskaŭ ĉiujn florojn kaj portas freŝverdajn foliojn. Mi trovis ŝvelontajn fruktetojn inter la folioj.
Unu el la sezonvortoj de la japana hajko estas “ha-zakura” (葉桜), t.e. folisakuro en Esperanto. Ĝi estas somera sezonvorto. Mi tute ne povas senti someron hodiaŭ, sed sendube ĝi alproksimiĝas.