Ankaŭ ĉi-jare venis la sezono de krizantemoj. En mia ĝardeneto rekreskas la kampa krizantemo, kiun mi prezentis lastjare en ĉi tiu blogo. Nun ĝi portas multe da florburĝonoj. Ili estas kvazaŭ rondaj butonoj. Mi antaŭĝuas, kian koloron havos la floroj.
kampa krizantemo [Chrysanthemum japonense aŭ Dendranthema occidentali-japonense], plurjara herbo el asteracoj. Laŭ libroj ĝi estas endemia (indiĝena) specio de Japanio.