Google estas la plej fama kaj uzata serĉilo en la interreto, mi pensas. En ĝi oni povas uzi supersignitajn literojn de Esperanto, ĉar ĝi traktas tekstojn en unikodo.
Ekzemple por “ĝardenisto” Google donis 288 trafojn, el kiuj la unua artikolo estis “La ĝardenisto kaj la reĝino” de la Literatura Mondo. Por “sindona” ĝi donis 82 000 (!) trafojn, el kiuj la unua artikolo estis “IL CASO SINDONA” de iu itala retejo. Tiu “Sindona” ŝajnas esti nomo de iu italo.
Problemo estas en tio, ke la trafitaj artikoloj enhavas multajn aliajn lingvojn krom Esperanto, kiam la serĉvorto ne inkludas supersignitajn literojn.
Tiuokaze mi aldonas vorteton “ĝi” aŭ “ĉe” al serĉvorto. Ekzemple por “sindona” kun “ĝi” Google donis 203 trafojn, kaj por “sindona” kun “ĉe” 217 trafojn. Ĉiuj trafitaj artikoloj estas certe en Esperanto. Tamen ĉi-okaze nombro de la trafitaĵoj povas esti malpli granda ol tiu de serĉo por esperanta “sindona” sen “ĝi” aŭ “ĉe”.
Ĉu oni havas plibonan rimedon?
Mi ofte uzas krom la celvorto, duopon ‘kaj estas’, por akiri esperantlingvan rezulton.
Dankon pro via sugesto. Tiuokaze ni povas akiri rezulton kun surogataj skriboj.
mi reklamu iom: http://tekstoj.nl/kukolo/ laux nome “kukolo” estas fasado antaux gugolo. gxi aldonas auxtomate “kaj” kaj “la” al viaj sercxoj.
Saluton, ĵeromo! Mi dankas vin pro la informo. Mi provis ĝin kaj trovis, ke ĝi estas tre utila.