Tagon post tago maturiĝas kaj pliruĝiĝas fruktoj de la ruĝa pirakanto [Pyracantha coccinea] en mia ĝardeneto. Kvankam ĝi havas dornajn branĉojn, kiuj pikas homon, nun ĝi disetendas junajn branĉojn kun relative molaj dornoj kaj folietoj.
Antaŭe mia edzino ne ŝatis la pirakanton, ĉar ĝi plurfoje pikis ŝin. Sed nun ŝi ŝatas ĝin, ĉar ĝi portas ĉarmajn ruĝegajn fruktetojn, kiuj ĝojigas ŝiajn okulojn.