Hodiaŭ estis nuba tago kaj matene iom pluvetis. Neordinare la atmosfero estis flaveta. Kaj eksterdome tegoloj, pavimoj, arbofolioj, aŭtoj ktp, ĉiuj estas kovirtaj maldense sed videble per fajnaj sableroj. Jen rigardu la antaŭglacon de mia aŭto.
Flava sablo alvenis transmare el Ĉinio. Laŭ televida raporto, la flava sablo kovris la tutan okcidentan Japanion. Pri la kaŭzo de flava sablo mi antaŭe skribis ĉi tie.
Ankaŭ ni en Koreujo “ĝuas” la flavan sablon, kredeble eĉ pli ol vi en Japanujo. Pri tiu kaj aliaj “flavaj danĝeroj” skribis Birke en nia blogo antaŭ du jaroj.
Ĉirkaŭ nia regiono oni ne portas maskon dum flava sablo, kvankam kelkaj plendas pri malagrablo ĉe nazo aŭ okuloj. Supozeble pli densa flava sablo alflugis al Koreio.